✈️ 2024 yil 6 dekabr kuni O‘zbekiston🇺🇿da FlyKhiva kompaniyasining Toshkent–Urganch–Toshkent yo‘nalishidagi muntazam yo‘lovchi aviaqatnovlari boshlandi.
2021 yilda aviabiletlar savdo agentligi sifatida tashkil etilgan FlyKhiva joriy yilda faoliyatini kengaytirib, yangi B757-300 havo kemalari bilan muntazam va charter yo‘lovchi tashuvlarini yo‘lga qo‘ydi.
Qulay bortlar o‘rindiqlar orasida 32" masofa va individual ko‘ngilochar tizimni taklif qiladi. 700+ km yo‘nalishdagi aviachiptalar 35 yevrodan boshlanadi va ovqat hamda bagajni o‘z ichiga oladi.
Mart oyigacha kompaniya operatsion lizingga o‘tishni, liveriyani yangilashni va ko‘ngilochar tizimni mahalliy kontentga moslashtirishni rejalashtirmoqda. Yaqin kunlarda yo‘nalishlar tarmog‘ining kengayishi va onlayn chipta xaridi imkoniyati ham kutilyapti.
Raskryt
Uzbekistan Spotters Team FlyKhiva kompaniyasiga tantanali tadbirlarga taklif uchun minnatdorchilik bildiradi va muvaffaqiyat tilaydi!