2 iyun kuni Qatar Airways aviakompaniyasi Doha–Toshkent yo‘nalishida birinchi muntazam reysni amalga oshirdi.
Toshkent xalqaro aeroportiga kelgan havo kemasi an’anaviy suv arkasida tantanali tarzda kutib olindi.
✈️ Parvozlar haftasiga 4 marta — dushanba, chorshanba, juma va yakshanba kunlari bajariladi. Kelgusida reyslar soni kunlik jadvalga oshirilishi rejalashtirilgan.
Toshkent xalqaro aeroportida yangi aviaqatnovning ochilish marosimida Uzbekistan Airports rahbari Javlonbek Umarxo‘jayev, aeroport direktori Jasur Pulatov, Fuqaro aviatsiyasi agentligi rahbari Tahir Nazarov, Qatar fuqarolik aviatsiyasi boshqarmasi rahbari Mohamed Faleh Al-Xadjri, Qatar Airways aviakompaniyasining sharqiy mintaqalar bo‘yicha katta vitse-prezidenti Marvan Koleylat, shuningdek ikki davlat jurnalistlari va blogerlari ishtirok etdi.
Raskryt
