2026-yil 3-sentyabr kuni Urganch xalqaro aeroporti Qozog‘istonning "FlyArystan loukoster" aviakompaniyasining Olmaota-Urganch-Olmaota yangi xalqaro yo‘nalishi bo‘yicha birinchi reysini kutib oldi. An’anaga ko‘ra, aviakompaniyaning birinchi samolyoti Urganch aeroportida tantanali suv arkasi bilan kutib olindi.
Yangi yo‘nalish bo‘yicha parvozlar haftasiga ikki marta - payshanba va yakshanba kunlari amalga oshiriladi.
Olmaotadan to‘g‘ridan-to‘g‘ri aviaqatnovlarning ochilishi Urganch aeroporti yo‘nalishlar tarmog‘ini kengaytiradi hamda O‘zbekiston va Qozog‘iston o‘rtasida sayyohlik, ishbilarmonlik va oilaviy sayohatlarni rivojlantirish uchun qo‘shimcha imkoniyatlar yaratadi. Yangi reys, shuningdek, Xorazm viloyati va O‘zbekistonning asosiy sayyohlik markazlaridan biri bo‘lgan Xivaning transport qulayligini oshiradi.
FlyArystan - Air Astana guruhining 100 foiz sho‘ba korxonasi bo‘lgan Qozog‘istonning loukoster aviakompaniyasi. Aviakompaniya 2019-yil may oyida parvozlarni amalga oshira boshladi. Hozirda aviatashuvchi O‘zbekistonga Olmaota-Samarqand va Ostona-Toshkent yo‘nalishlari bo‘yicha ham parvozlarni amalga oshirmoqda.
