Ehtimol, bu O‘zbekistondagi eng noodatiy muntazam yo‘lovchi reysidir… Buning sababi nafaqat ushbu reys orqali O‘zbekistonga uchib kelish yoki O‘zbekistondan uchib ketish mumkin emasligida. Bu, shuningdek, mamlakatimiz hududida qo‘nish bilan amalga oshiriladigan eng uzoq davom etuvchi reys bo‘lib, qolaversa, uni O‘zbekistonga muntazam reyslarni amalga oshirmaydigan aviakompaniya bajaradi.
Diqqat, spoterlarimiz obyektivida SCAT aviakompaniyasining Boeing 737 MAX 9 UP-B3738 samolyoti. Aviakompaniyaning bazaviy aeroporti esa, aytish mumkinki, “qo‘shni” — Chimkentda 🇰🇿. Samolyot rejalashtirilgan texnik qo‘nishni amalga oshirish uchun Samarqand (SKD) aeroportiga pasaymoqda. Bu — DV481/482 San-Ya (SYX) 🇨🇳 – Praga (PRG) 🇨🇿 – San-Ya (SYX) 🇨🇳 reysi.
Ushbu reys yo‘lovchilari tor fyuzelyajli samolyot bortida 14,5 soat — o‘n to‘rt yarim soat! vaqt o‘tkazadilar.