Spotterlarimiz kameralariga yaqinda tashkil etilgan "Stratos Freight" aviakompaniyasining ilk texnik parvozlari muhrlandi.
27-aprel kuni Boeing 757F, bort raqami UK75008, o‘zining baza aeroportida havoga ko‘tarilish, touch-and-go hamda qo‘nishni amalga oshirdi.
Aviakompaniya yaqin kunlarda shu turdagi ikkinchi havo kemasini qabul qilishi kutilmoqda. Biz esa kompaniyaga muvaffaqiyat tilaymiz!
Sirdaryo viloyating dalalarida nafaqat yer usti traktorlar, balki havo traktorlari ham ishlamoqda! Air Tractor AT-502XP, bort raqami N25TR, dalalarni aviatsion kimyoviy ishlov berishda qo‘llaniladi — gerbitsidlar, suyuq pestitsidlar va o‘g‘itlar sepish, hosil pishishini tezlashtirish hamda begona o‘tlarni havodan yo‘q qilish uchun xizmat qiladi.
Mazkur samolyot Indorama Agro dalalariga xizmat ko‘rsatmoqda. Avval kompaniya bu maqsadda Ан-2 samolyotidan foydalangan, biroq yangi “Traktor” sovet analogiga nisbatan ancha tejamkor, manevrli va tezkor hisoblanadi.
Indorama Agro — O'zbekistondagi eng yirik integratsiyalashgan qishloq xo‘jaligi kompaniyalaridan biri. 2018-yilda tashkil etilgan kompaniya paxta yetishtirish va qayta ishlash bo‘yicha yetakchi ishlab chiqaruvchi bo‘lib, shuningdek bug‘doy va boshqa ekinlarni ham yetishtiradi. Kompaniya qariyb 75 000 gektar yer maydonida faoliyat yuritadi, shundan 25 000 gektari kichik va o‘rta xo‘jaliklarga tegishli bo‘lib, kontrakt asosida ekiladi.
Air Tractor AT-502XP modeli 502-seriyaning yanada takomillashtirilgan turi hisoblanadi. AT-502A/B bilan taqqoslaganda, ushbu modifikatsiyada kuchliroq dvigatel, to‘rt pichoqli vint, kattaroq yoqilg‘i baki va shunga mos ravishda uzoqroq parvoz masofasi mavjud.
Asosiy texnik ko‘rsatkichlari:
“AIR MARAKANDA” kompaniyasi Samarqand xalqaro aeroportida bahorgi spotting uchun arizalar qabuli boshlanganini e’lon qiladi 📸✈️
Tadbirda ishtirok etish uchun professional aviaspotterlar, fotograflar, videograflar, shuningdek aviatsiya ishqibozlari taklif etiladi. Aeroport faoliyatini noyob rakurslardan kuzatish hamda aviatsiya hayotining yorqin lahzalarini tasvirga muhrlash uchun ajoyib imkoniyatdir.
Ishtirokchilar aeroportning maxsus hududlariga tashrif buyurish, havo kemalarining eksklyuziv suratlarini olish va haqiqiy aviatsiya muhitini his qilish imkoniyatiga ega bo‘ladilar.
Ishtirok etish uchun arizani havola orqali to‘ldiring
❗️Joylar soni cheklangan.
⏳Arizalar qabuli 30-aprelgacha davom etadi.
2026-yil 18-aprelda Toshkent xalqaro aeroportida 10-rasmiy bahorgi spotting-tur bo‘lib o‘tdi. Unda nafaqat O‘zbekiston🇺🇿, balki Belarus🇧🇾, Rossiya🇷🇺, Qozog‘iston🇰🇿, Turkiya🇹🇷 va Avstraliya🇦🇺dan kelgan qariyb 70 nafar aviatsion fotografiya ishqibozlari ishtirok etdi. Kun davomida ishtirokchilar o‘zbek aviakompaniyalari havo kemalari bilan bir qatorda FlyDubai, Loong Air, Kam Air, Tez Jet, Air Astana, S7 Airlines, Turkish Airlines kabi operatorlarning yo‘lovchi va yuk havo kemalarini kuzatib, suratga olish imkoniga ega bo‘ldilar.
Tashrif buyuruvchilar aeroportning ikki nuqtasida bo‘lib, turli xizmatlar faoliyatini kuzatishdi. Xususan, avariya-qutqaruv xizmati xodimlari o‘z uskunalarini namoyish etib, yong‘in shlangi bilan ishlashdagi aniqlik va mahoratlarini ko‘rsatdilar hamda spotterlar uchun maxsus aks ettiruvchi suv yuzasini yaratib berdilar. Shu bilan birga, tajribali spotterlar o‘z bilim va tajribalarini yosh ishtirokchilar bilan bo‘lishdilar, aytgancha, eng kichik ishtirokchi 11 yoshda edi.
Hamjamiyat spotting-tur tashkilotchilariga samimiy minnatdorchilik bildiradi va yangi tadbirlarni intiqlik bilan kutadi.
``` "Ekvatorial Gvineyaga tegishli (3C-TM07) bort raqamli, juda yomon holatda eskirgan liveriyaga ega Il-76TD Toshkentdagi uzoq muddatli turish joylarida yigirma yil turganidan so‘ng butunlay uchib ketdi.
U uzoq o‘tmishda UK-76793 raqami bilan O‘zbekiston havo yo‘llari havo kemasi bo‘lgan. Shuningdek, bo‘yoq qatlamlari ostidan Qanot Sharq aviakompaniyasi logotipi ham ko‘zga tashlanadi.
U ishga tushib, uchish-qo‘nish yo‘lagida sinov yugurishini boshlaganida, uning uchishiga ishonish qiyin edi.
Birinchi yugurishdan keyingi tormozlanishda tormozlar biroz qizib ketdi. Ularni o‘t o‘chiruvchilar yordamida sovitishga to‘g‘ri keldi.
Shundan so‘ng, bort o‘ziga yaqin bo‘lgan Toshkent uchish-qo‘nish yo‘lagidan so‘nggi bor uzilib, kuzatayotganlarga go‘yo qanot qoqib xayrlashgandek bo‘lib, Iordaniyaga uchib ketdi. Keyin esa Afrikaga yo‘l olib, u yerda davom etayotgan etnik yoki siyosiy mojarolardan birida yo‘qolib ketishi mumkin. Odatda bunday bortlarning Afrikadagi hayoti yorqin, ammo qisqa bo‘ladi.
"Uzbekistan Airports" Toshkent xalqaro aeroporti hududida professional spotting-tur uchun arizalar qabul qilish ochilganini e'lon qiladi. Tadbirning taxminiy sanasi - 2026-yil 18-aprel.
Spotting-turda barcha xohlovchi spotterlar ishtirok etishi mumkin. Buning uchun pr@uzairports.com elektron manziliga ariza yuborish va pasport skanerini ilova qilish lozim. Arizalarni qabul qilish 19-mart kuni soat 18:00 da yakunlanadi.
Arizalarni tanlashda quyidagi nomzodlarga ustunlik beriladi:
Agar ishtirok etish uchun yuborgan arizangiz maqullansa, sizga 2026-yil 24-mart kunigacha elektron javob xati yuboriladi. Ishtirokchilar soni cheklangan.
Bugun biz “Easy to fly Academy” – zamonaviy aviatsiya akademiyasiga tashrif buyurdik, u tijorat va xususiy aviatsiya uchun mutaxassislar hamda bort kuzatuvchilarini tayyorlaydi!
Ular styuardessalar uchun asosiy treninglar, shuningdek malaka oshirish kurslari va A-320/321 tipidagi samolyotlarda o'qitishni taklif qilishadi. Trening rus, oʻzbek va ingliz tillarida olib boriladi. 60 kunlik kurs yakunlangach, O‘zbekistondagi istalgan aviakompaniyada ishlash imkonini beruvchi sertifikat beradi! Nomzodlar 18 yoshdan oshgan, oʻrta maʼlumotga ega boʻlishi, chet tillarini bilishi, tibbiy koʻrikdan oʻtgan boʻlishi kerak.
O‘quv mashg‘ulotlari 22 million so‘mni tashkil etadi. To'liq kurs nazariy va amaliy mashg'ulotlar, qutqaruv mashg'ulotlari va birinchi yordam ko'rsatish, qutqaruv jiletlari, kislorod baklari, galleylar, suv maydonchalari va boshqa ko'p narsalarni o'z ichiga oladi.
Akademiya O‘zbekiston Respublikasining amaldagi qonunchiligi va me’yoriy hujjatlariga muvofiq attestatsiyadan o‘tkaziladi.
Bort ekipajidan tashqari, Akademiya sizga xususiy uchuvchilikga ta'lim berishni ham taklif etadi. Õqish narxi taxminan 18000$+ ga baholanadi, aeroportni tõlovlari ham qõshiladi va õqish 7-oyni tashkil etadi. Tayyorgarlik davomida õz ichiga oladi , nazariy mashğulotlar , trenajorda tayyorgarlik va amaliy parvozlar (Cessna 172) samolyotida (35 soatlik parvoz).
Boshqa savol va ma'lumotlar Akademiya saytida - easytofly.uz
Hurmatli do'stlar!
Sizni O'zbekiston Badiiy Akademiyasi Badiiy ijodkorlar uyushmasi fotosho’ba a'zolarining va havaskor fotorassomlarning hisobot ko'rgazmasiga taklif etamiz.
Ochilish marosimi Toshkent Fotosuratlar uyida 2026 yil, 11 fevral kuni soat 17:00 da bo’lib o'tadi.
E'tiborlisi, bu safargi ko'rgazmada aviaspotterlardan 4 nafarimizning fotosuratlarimiz qatnashmoqda - Daniyar Atadjanov, Rustam Mannanov, Arslan Islamov va Roman Valiev.
📅 Ko'rgazma 22-fevralga qadar ishlaydi, ish vaqti har kuni soat 10:00dan 17:00gacha (dushanbadan tashqari). Kirish bepul.
Embraer 3-fevral kuni Singapur aviasalonida Oʻzbekiston oʻzining C-390 Millennium harbiy transport samolyotining ilgari nomaʼlum boʻlgan xaridori ekanligini eʼlon qildi. Embraer oʻz eʼlonida Oʻzbekistonni ushbu samolyotni sotib olgan va boshqargan birinchi Markaziy Osiyo davlati sifatida belgiladi.
Oʻzbekiston Harbiy-havo kuchlari asosan C-390 samolyotlaridan transport va gumanitar missiyalar uchun foydalanadi, bu esa mamlakatning havo transporti imkoniyatlarini va favqulodda vaziyatlarga javob berish infratuzilmasini yaxshilaydi. Ushbu sotib olish Oʻzbekiston harbiy aviatsiya flotini modernizatsiya qilishda muhim bosqich boʻlib, uni global C-390 operatorlarining tobora ortib borayotgan roʻyxatiga moslashtiradi.
Oʻzbekiston Harbiy-havo kuchlari oʻzining transport imkoniyatlarini modernizatsiya qilayotgan bir paytda, biz Oʻzbekiston Respublikasini C-390 operatorlari guruhiga rasman qabul qilamiz
,- dedi Embraer Defense & Security prezidenti va bosh direktori Bosco da Costa kichigi. Uning qoʻshimcha qilishicha, kompaniya ushbu yetakchi Markaziy Osiyo Harbiy-havo kuchlarining tanlovidan faxrlanadi
va samolyotlarning ishonchli va samarali ishlashini taʼminlashga sodiqdir.
XXI asrda loyihalashtirilgan va qurilgan C-390 Millennium tomonidan o'z sinfidagi eng zamonaviy harbiy transport samolyoti sifatida ta'riflanadi. U 26 tonnagacha yuk ko'tarishi, 470 tugun tezligiga yetishi va boshqa o'rta o'lchamli transport samolyotlariga qaraganda uzoqroq masofalarni bosib o'tishi mumkin. U yuk va qo'shinlarni tashish, yaradorlarni evakuatsiya qilish, qidiruv-qutqaruv operatsiyalari, yong'inni o'chirish va gumanitar yordam kabi keng ko'lamli vazifalar uchun jihozlangan. Shunisi e'tiborga loyiqki, C-390 asfaltlanmagan yoki vaqtinchalik uchish-qo'nish yo'laklaridan harakatlana oladi, bu esa uni qiyin yerlarda joylashtirish uchun moslashtiradi. Tez o'rnatiladigan havo-havo yonilg'i quyish tizimlari bilan jihozlanganida, samolyot KC-390 belgisi ostida ishlaydi, ham tanker, ham qabul qilgich vazifasini bajarishga qodir. U NATO bilan to'liq mos keladi va Agile Combat Employment (ACE) operatsiyalari uchun mo'ljallangan.
Embraer ma'lumotlariga ko'ra, O'zbekiston Braziliya, Portugaliya, Vengriya, Janubiy Koreya, Niderlandiya, Avstriya, Chexiya, Shvetsiya, Slovakiya va Litva kabi C-390 Millennium mijozlarining kengayib borayotgan ro'yxatiga qo'shildi.
25 Joriy yilning yanvar oyida, Toshkent xalqaro aeroportida ilk bor PD-8 dvigatellari bilan jihozlangan SuperJet SJ-100NEW-95 97024 bort raqamli havo kemasi, Moskva (Jukovskiy) — Haydarobod (Begampet) yo‘nalishi bo‘yicha parvozni amalga oshirish paytida, yoqilg‘i quyish uchun Toshkentda texnik to‘xtashni amalga oshirdi. Hindistonda yangi havo kemasi Wings India 2026 aviasalonida namoyish etildi.
